३१ मार्च १६६५

मिर्झा राजे जयसिंह व दिलेरखान पठाण पुरंदरच्या पायथ्याशी येऊन

दाखल. इतिहास प्रसिद्ध पुरंदरचा वेढा सुरु. औरंगजेब बादशाहाच्या

फौजा महाराष्ट्रात धुमाकूळ घालत होत्या, तेव्हा बादशाहावर जबर

बसण्यासाठी शिवरायांनी खूप सधन सुरतेवर छापा घालून लक्षावधी

रुपयांची लुट मिळवली. औरंगजेब बादशाहाच्या सुरतेची शिवरायांनी

बेसुरत केली.त्यामुळे बादशाहा भयंकर चिडला होता.मराठ्यांचे राज्य

नष्ट करण्याचा त्याने निश्चय केला.मिझाराजे जयसिंग या आपल्या

बलाढ्य सेनापतीला त्याने शिवरायांवर धाडले.त्याच्या सोबतीला

दिलेरखान हा आपला विश्वासू सरदार दिला.अलोट खजिना आणि

अफाट दारूगोळाही बरोबर दिला. #Ek_aathavan_shivrayanchi जयसिंग आणि दिलेरखान प्रचंड

फौजेसह दक्षिणेत येऊन पोहचले.स्वराज्यावर फार मोठे संकट आले.

पुरंदर हा शिवरायांचा प्रचंड व बळकट किल्ला होता.हा किल्ला

घेतल्याशिवाय शिवरायांचा बिमोड होऊ शकणार नाही,हे दिलेरखान

जाणून होता.त्यामुळे दिलेरखानाने पुरंदरला

वेढा दिला.